المحاشي
من الأكلات المحببة والمفضلة عند الكثيرين
وعندي شخصيا
المكونات لعدد كبير ممكن نقسمها أو نزيد عليها على حسب الحاجة
تتميز وصفتي انها بدون لحمة يعني للنباتيين
حيث انها مليئة بالفيتامينات
وانصحكم بعد تناولها بالراحة لمدة ساعة اقل شي
المكونات 2كيلو كوسا
2كيلو باذنجان
نصف كيلو فليفلة حلوة
كيلو بصل حبة كبيرة
كيلو ورق عنب
طريقة حفر الكوسا والباذنجان عادية ومعروفة
ولف الورق عنب عادي
لكن الفليفلة اعمل نصف دائرة من الاسفل بحيث اتمكن من نزع البذور فقط
والبندورة نفس الشيئ اعمل نصف دائرة لأخرج اللب
اما البصل وما ادراك ماالبصل......آتي بكل بصلة على حدا واضرب ها في الارض ضربات خفيفة
الى ان تصبح طرية انزع الرأس والزيل واعمل فيها خط طولي بدون تقشيرهاوادخل السكين
شوي شوي وانزع كل طبقة لحال واطيب شي القشرة
ملاحظة احتفظ بلب الكوسا لحال )(ولب البندورة والباذنجان والبصل لحال بعد الانتهاءمن عملية الحفر
اضع المكونات في جاط فيه مي وملح الى ان اسوي الحشوة
والحشوة .................مكوناتهاارز سبق نقعه شي ساعة وبصلتين وبقدونس وبندورة وليمون شي 4 ليمونات وملح وزيت نباتي (اللي بيحب زيت الزيتون
والبهار الوحيد الذي اضعه هو بهار حلوو مطحون ناعم كتييييير بيعطي نكها طيبة
وبحط عليهم لب الباذنجان والبندورة والبصل
ملاحظة استخدم لب الباذنجان اللي بدون بذر
هاي الحشوة اخلطها مع بعض كوييييس
أبدأ بالحشي الكوسا والباذنجان والفليفلة والبندورةواحشي لفافات البصل واضع كل واحدة في فم باذنجانة وكوساية وفلفلاية وبندوراية وارتبهم في الطنجرة وآآآآخر
شي الف ورق العنب وارتبه في الطنجرة وآخر خطوة اضع المي والملح والزيت وعصير ليمونتيين يعني اغمرهم بالمي
واتركهم على نار هادية لمدة ساعتيين بيستووا على مهل
بس بعد نص ساعة بييجوا الجيران ع الريحة الحلوةبس تستوي اقلب الطنجرة في جاط اوصنية كبيرة
وصحتين وهناجربوها لو ب3 حبات 3 حبات من كل نوع وبتشوفوا شو طيبة
اما لب الكوسا انا مابرميه بحطه في طنجرة وبحط عليه شوية زيت زيتون وبفرم عليه بصلة وحبة فلفل حاربحطها بدون فرم وشوية بهار فلفل اسود وشوية ملح وخليها على نار هادية شي نص ساعة بتستوي كنوع من المقبلات
أو بعمل لب الكوسا عجة باضافة بقدونس وشوية ملح وبهار وبصلة وشي 5 بيضات
وبضيفلهم شي نص كاسة طحين وبخلطهم مع بعض كويييس وبحمي زيت بالقلاية وبصير احط كل شوي واقلبهم الى ان يتحمروا والى ان تخلص الكمية ..................
.
وبالهناء والعافية