المجدره

المجدره طريقتها سهله كتير

جيبي العدس وسلقيه لحتى تلاقيه استوى حطي فوقو نصبه الرز وحطي الملح

وبس تغلي المي شوي حطي الرز فوقها وتركيه على نار هاديه

ولمى يقرب يستوي الرز جيبي بصل مقطع جناحات وقليه بشويه زيت زيتون وزيت عافيه

ولمى يحمر البصل حطي الزيتات فوق الرز وحركيهن شوي وتركيه يتهدى على مهلو

وبالأخير سكبيه بالجاط وجليله بالبصل المقلي

وجنبو زبديه لين وصحن مخلل وياسلام وياعين وياليل

عن جد صحي أكله بسيطه بس أنا بحبها كتير

صحه وهنا على قلبكون

ان شاء الله تعجبك

تحياتي


ملاحظه بتنعمل كمان بفس الطريقه بس مع برغول

من اختراعاتك يا محمد هالطبخة؟

المجدره كتير مشهوره ولو يا ضياء بعمرك ما اكلت برغل بعدس او رز بعدس

مجدرة البرغل اكيد اكلها بس مجدرة الرز و لا مرة

هلق هالأكلة معروفة يا ضياء بس لعيونك راح نسجلها باسم محمد و نوضع عليها حقوق النشر و الحفظ لصالحو ههههههههههههه
وحاول تطبخها بلكت بيطلع معك شي طبخة جديدة ساعتها بنسجلها باسمك هههههههههه

شوفو اختراعاتي بالاكل

اول طبخة اسمها بلميني و هي اكلة روسية محشية بلحم العجل و بتنسلق بالمي و منضيف عليها زبدة و مايونيز و فوقها بقدونس



و تاني اكلة شيش طاووق وقت التحضير



و هاي الشيش طاووق بعد الشوي

هلق بدي اسألك بكرة لما بتيجي عالضيعة راح تعرف تساويون ولا بس باوكرانيا بتجرب خطي بهالمسكينة مرتك
على كلن لما بترجع عالضيعة بنجربك و بنجرب هالآكلات و صحححححححححححححححححححححححتين