ليش برأيك في متابعة مكثفة للمحطات اللبنانية أكتر من قنواتنا؟

مسا الفل والياسمين للكل صبايا وشباب وخاصة للأصدقاء المشرفين
غالبا إذا فتحنا التلفزيون بالمسا فورا نكبس ع المنار أو ع الجديد أو ع الأو تي في يعني ع نشرات أخبار لبنان المسائية وصار كتير مننا حافظ موبس أسماء وزراء لبنان كمان النواب الحاليين أو السابقين وأسماء المذيعات كلهن يمكن لأنون كلهم حلوين متل مذيعة النشرة الجوية دارين شاهين ومذيعات أخبار الأو تي في
أو لأنو نشرات الأخبار عندهم إلها نكهة خاصة وبعيدا عن التلفزيون فيه الاذاعات اللي مع إنو كترت كتير بس مابعرف ليش بيضل الواحد بيحن للإذاعات المجاورة متل برامج إذاعة النور أو صوت الغد أو صوت المدى أو برامج التوك شو تبع صوت لبنان" بإسثناء توجهها السياسي اللي مابيعجني أبدا.
مع إنو مسلسلات سورية ماشاء الله بتاخد التوب تين بكل المحطات سواء أصلية أو مدبلجة للتركي
يعني منتمنى إنو التلفزيون عنا يركز أكتر ع البرامج التي بتمس هموم الشباب ومشاكلهم الواقية من الدراسة لسوق العمل ويعمل اللقاءات مباشرة مع المسؤولين في المحافظات والوزارات لأن التواصل المباشر أضل بكتير من البرامج المسجلة وكمان منتمنى على الاذاعات الخاصة كمان ها الشي
.بتمنى أسمع ردودكم على الموضوع وشكرا لكل رد

بالنسبه الي انا ما بتابع المحطات المذكوره بس بعتقد انو التلفزيونات اللبنانيه عندها قدر عالي من حرية الصحافه ومش من جديد طول عمرها الصحافه اللبنانيه لها سمعتها امام الصحافه العربية وكمان انو التلفزيونات مش تابعه للحكومه

انا ما بتابع تلفزيون
بس بقول انو يمكن بسبب قرب التلفزيون من المواطن ومن الحدث
وسرعة التغطية
الها دور بجزب المشاهد

لانو اسلوب المذيعات باي برنامج وحتى بالاخبار بيكون اسلوبون كتير حلو