حراق باصبعه

حراق باصبعه

كاسة عدس
-حزمة كزبرة
-راس ثوم مقشر ومهروس
-ملح
-دبس رمان
-3بصلات
خبز عربي مقطع الى مربعات و مقلي

-ثلاث ارباع كاسة معكروتة قطع صغيرةوالطريقة القديمة الاصلية بمربعات عجين بمقاس تقريبا 1 سم بس نحنا صرنا ندور على الاسهل .
المعكرونة مسلوقة حتى ماتأخذ مية العدس
-عصير ليمونة
الطريقة:
-نسلق العدس مع 5 كاسات ماء ليطرى
-نفرم الكزبرة ونضعها مع الثوم بمقلاية مع كمية منيحة من زيت الزيتون ونقلبها شي عشر دقائق وتتركها جانبا
-نقطع البصل جوانح نقليه ليصر لونه ذهبي وتتركه جانبا
وقت ينسلق العدس نضف له المعكرونة + ثلاث ارباع كمية الكزبرة + ثلاث ارباع كمية البصل
وعصير الليمونة والملح ونأتي لاهم شي الحامض اذا ركز يعني ركزت الاكلة يعني بناخد شي 3 ملاعق كبار دبس رمان وانت كل ما تضيفي ملعقة ذوقي الطعم ليعجبك ويكون واضح وعلى فكرة طعم الحموضة بيبان اكثر بس يبرد
وضيفي عليه نصف فنجان زيت زيتون واتركيهن على نار
هادية ربع ساعة
صبيه بجاط متوسط وزينيه بباقي الكزبرة والبصل وقطع الخبز المربعة الصغيرة و اذا عملتيه بالعجين زينيه بالعجين المقلي او المعكرونة بس زيدي على مية العدس 3كاسات والف صحة

يسلمو ام زيد
بظن هالأكلة بيسموها بالضيعة رشته
يسلمودياتك

يسلمووووووووو على هالاكله الطيبه

انا بصراحه ياسونيا افكر اجي لعندك زياره راح اجرب كل الاكلات اللي بتنزليها بالمنتدى

شو رايك بتستقبيلني عندك :abc20:

اهلين بانسام الغالية الله يسلمك

صحيح اسمها بالضيعة رشته

اكيد ام شادي الله يخليلنا اياها كانت تعملك اياها

اهلين بالناعمة تسلميلي ياغالية

والله بتشرفينا يانعومة

وعلي غير اخليكي تزيدي عشرة كيلو

انت بس تعالي :abc9:

بشكركم ع المرور :abc9:

بموووووت على هالاكلة بس هون مابيحطولها غير عجين وعدس بس
واكيد مع هالوصفة اطيب بكتير
يسلمو ام زيد