هل عشتوا وبتعيشوا الحياة كواجب أو رغبة؟

ممكن تسألوا حالكن هيدا السؤال بس يا ريت تجاوبوا عليه بصراحة ومن بعد تفكير طويل والا أنا راح

:a31:

كيف اتكونت قناعاتكن بالحياة؟

كيف اتشكلت قناعاتكن الدينية والاجتماعية والحياتية بشكل عام هل كانت جاهزة من قبل المحيط والأهل

هل بذلتوا أي جهد في انوا تبحثوا عن معنى مختلف للحياة لحتى تعيشوها متل ما بترغبوا انتم أو أخدتوا كل شي كان معد مسبقا وباشرتم في أداء واجب الحياة

بشوية صدق من عندكن ممكن تجاوبوني

والله شوي السؤال صعب وجواب صغير من جواباتنا بظن ما بيحيط بكل الجواب
بس الاكيد انو القناعات او الاتجاهات الي منتخذها بحياتنا مو كلها جاهزه ولا كلها من قناعات وتجارب يعني شوي من تجاربنا وشوي تانيه بيفرضها علينا مجتمعنا وعقائدنا الي اجينا ولقيناها موجوده
شكرا على هي الافكار الي يمكن ما منفكر فيها وحدنا اذا ما ذكرنا فيها حدا متلك ياalma شكرا

سؤال رائع و الجواب عليه مو بهالسهولة

انشالله قريبا بجاوب عليه لأنو بنظري لازم الحكي يكون موزون

شكرا لكل ياللي راح يشاركوا ويردوا لأن كتير مهم أعرف كيف نظرتكن لهيدا الموضوع بس الأهم انه تبدأوا تسألوا حالكن هيدا السؤال يعني طرح الموضوع هوي مفيد لكل واحد فيكن حتى ينتبه لهيدي النقطة واذا عاش الحياة كواجب يجرب ولو ليوم يعيش الحياة كرغبة ويشوف كيف راح تكون مختلفة وحتى لو هوي شخص مو مبسوط بالحياة يمكن يكتشف اشيا تخليه يتمسك فيها أكتر

شكرا ألما عالموضوع
الحياة حلوة بس نفهمها ع قولة فريد الاطرش
وبتصير احلى بوجود هدف نسعى لتحقيقه وبوجود اشخاص يحببونا بالحياة متل الزوج والاولاد

شكرا على الموضوع الحياة تكون رغبة لما بنسعى لتحقيق هدف معين إذا كان الإنسان محب للحياة أكيد رح يرغب فيها

حلو هالسؤال

بالنسبه لي عشتها وبعيشها مجبوره
بحس مالي هدف بهالحياه كل شي سويته درست وخلصت واشتغلت بس ماحسيت اني سويت شي بحياتي

يسلموو عالموضوع

» الحياة وماأدراكم الحياة
» حكم من الحياة
» حكم من الحياة 2
» دروس من الحياة
» درس من دروس الحياة