العلاقة بين شب وبنت من دينين مختلفين

انا حابب اطرح موضوع وبتمنى الردود وبلا طائفية وعشائرية واللي مابرد معناتا ما عجبو الموضوع يصطفل

-------------------------------------------------------------------------------------------------------------
يا هل ترى بزماننا هلق بتعتقدوا انو الصداقة بين شب وبنت من دينين مختلفين ناجحة
طيب هل بتعتقدوا انو العلاقة بين شب وصبية من دينين مختلفين رح تنجح وشو هو دور الاهل لحتى تنجح او تفشل هالعلاقة وهل انتي او انت ممكن تربطوا بشب او صبية من غير دين

انا بعتقد انو الحب مش لازم يعرف طائفية

يعني مافي حب اسمو الحب الاسلامي او الحب المسيحي او الحب اليهودي

الحب هو الحب

والله ذكر في القران ( خلقناكم شعوبا و قبائل لتعارفو)

يعني ما ذكر انو في قبائل اسلامية لازم تتعاطى مع القبائل الاسلامية او القبائل المسيحية مع المسيحية فقط

ولذلك انا مع هيك حب

واكيد انو اختلاف الديانات يمكن انو يبدو صعب بس صدقوني الاختلاف غنى

وطيب يا ترى ممكن اهلك يقبلوا بانك تربط بصبية من غير دين بصراحة بارادوس
ليك الموضوع ترى مهم بس شايفلك العالم عم تجبن وما عم تعبر عن رايها

هوي اكبر خطا للشباب الشرقيين انن بدن اهلن يوافقو على كل شغلة

و هيدا مش دائما صحيح

ولازم الشب يكون الو قرارات خاصة فيه

انا بدي جواب صريح لا تلف ودور عالجواب ليك انا رح جوابك عن اهلي
ليش خليت الدني من الصبايا ما عجبك غيرها نحنا ما منخطبلك ياها واذا اخدتها رح تخسرنا

هنن اول شي يمكن يقولو هيك بس بعدين قلبهن بيرق

كيفكون شباب الموضوع كتير حلو والله يعطيك العافية المهم من جهة الاهل اكيد راح يرفضو قطعا لانو ما جرت العادة انو يتاخد بمجتمعنا من طائفتين مختلفتين وقصدي بمجتمعنا هوي بمنطقتنا بتلاقي حالات قليلة انو الزوجين مختلفين بالطائفة واهم شي بنجاح
الحياة الزوجية انو الزلمة والمرة يكونو متفاهمين وبحبو بعض بغض النظر عن الدين وانا من جهتي ما عندي مشكلة اني ارتبط ببنت من طائفة تانية واكيد المجتمع راح يكون قاسي عليي بس المهم الواحد هوي شو بدو مو المجتمع والناس شو بدها وعلاقة الصداقة بين الشب والبنت من دينين مختلفين عادية جدا وموجودة بكترة وناجحة كمان بصراحة يا شباب نحنا بحياتنا مقيدين بالدين بشكل فظيع وشو ما اتصرف اي شخص اي تصرف مو متعودين عليه بتلاقي الحكي طلع عليه اشكال الوان يعني الي قصدي قولو انو حلنا بقا نتحرر من العادات والتقاليد البالية الي ورثناها وهي برايي فيها شوية غلط مو كل العادات بس في عادات موجودة عندنا وهيي غلط وبس نتخلص منها بيصير هيك موضوع متل الي طارحينو عادي كتير وما حدا بيفكر فيه وشكرا لكم