اولا لا تذهب بكم الظنون اني احتقر الحمير ... لا حاشا وكلا فبعض الحمير تحظى بمكانة اجتماعيه رغم حموريتها وقلة ادبها في النهيق عمال على بطال ... لذلك يعتبر المساس بمشاعر الحمير نوعا من انواع الاعتداء الاجتماعي على تلك المكانه واللتي جعلت بعض الحمير تقوم بعمل جمعيه للحمير تقديرا لها واحتراماً لمكانتها عندهم ... والحمار يا سادة ياكرام لو لم يكن له من المميزات الا انه حمار لكفاه ... فكلمه حمار تختزل كل المعاني الساميه والواطيه للخصائص اللتي ننعت بها الاخرين ... وطبعا ذكر الحمير بكثره يعطيها مكانه لم تكن تحلم بها
( ما اقصد احد ) حتى وان ذكرناه بكل ماهو سيء...
المهم وما اطول عليكم بالحكي ... كنت في احد ايام العيد في زيارة عند أحد الاقرباء
( الغليظين) اللي جايي من الخليج يعني معو شوية مصاري و انا ما بدي روح بس ( نق) الاهل و انو عيب
و هوي و قت اللي كان بسوريا كان أندبوري شحاد
( مرة استدان مني 50 ليرة و لسا لهلق بيرجعها.....)
و اذ عندو شلة طويلة عريضة من أصحابه ( الغليظين)
سلمنا و قعدنا و هون بلشت الاحاديث الجبارة عن سوق المال و الاعمال و البورصة و الاسهم مع انو قسما بالله ما حدا منن بيعرف شو الفرق بين الخمسة و الطمسة
يعني و انا ضايع بالحديث لحد مقال و احد منن اليوم شكلو جايي مطر
( طبعا و الدنيا صيفية)
هون تدحلت بعد ما تخنت الحكاية قلت له كيف بدها تشتي يا معلم و الدنيا صيفية ؟؟؟؟؟؟
استدار باتجاهي و ابتسم ابتسامة عريضة و قال اللي :
انت شو بتشتغل ( هيك يعني بنفسية ....)
قلت اللو و الله عم أدرس هندسة
فقال لي لو انك عم تدرس جغرافية كنت شرحت الك
و هون من طيبة قلبي قلت له حاول يمكن أفهم ؟
فقال لي بدا تمطر تبعا للبنية( الدرموتكتيكية) للارض
قلت له على فرض فيه شي اسمو البنية الدرموتكتيكية للأرض اللي عمري ماني سامع فيا
شو دخل الأرض بالمطر وبلشت اشرح له
( و الله عن طيبة قلب)
عن مراحل تكون السحاب و عمليات التبخر و التكاثف
و هوي عم يهز راسو بعدم الموافقة ........
فسألته عن شهادته الجامعية فكان الجواب بأنو واصل للصف السادس!!!!!
و بلش يحكي عن المصاري و انو الشهادات و لا شي و انو هيي تضييع و قت عالفاضي
فالتفت اليه وقلت له صدقني ان خروجي من هذا المجلس ليس ضعفا او خوفاً منك ولكني اخشى ان يقال اني اضعت وقتي في حوار مع حمار
:aaa: :aaa: :aaa: :aaa: :aaa:
____________________________________