كتير مننا بيحن ليشوف حلقات من البطل ساسوكي ورفيقه جانبووالعيون الشرسرة النائمة أو السنافر وعدوهم المهضوم شرشبيل
أو مغامرات نيلز اللطيف مع البطة مورتن ورفاقهم وفي كتير بتذكر داسكي وماريا وكوجي والدكتور أمون في حلقات كريندايزر ولسها مغامرات القاضي كلاوس ورفيقه لإقامة العدل وصراعهم مع الغيلان وحلقات البطلة أوسكار يلي ماحدا منا بينسى الصوت الملائكي لمها المصري وحلقات حكايات عالمية يلي علمتنا كل الصفات الانسانية الحلوة
ولسها في كتير مغامرات النسر الذهبي وغامرات عدنان ولينا وساندي بيل وبيل وسباستيان والحوت الأبيض ومسلسل فيكي وسيلفر وجيمي في جزيرة الكنز ومغامرات أبو الحروف الأقوى من الشدة في افتح ياسمسم العربي مع أنيس وبدر وحرب الكريات البيضاءمع الجراثيم في مسلسل حكايات للأسف نسيت إسمو ومغامرات الكابتن يلي بيضل شي عشرة حلقات ليفوت كوول ولا مغامرات حميدو وبتتذكروا مغامرات ريمي وبسيط ومسلسل حول العالم وضل كتير بعد من برامج شفناها ع أيامنا
يمكن للوهلة الأولى كل هالحكي بتحسوه غريب بس فعلا هالبرامج علمت كتير من جيلنا صفات حلوة واستفاد منها الكتير من جيل بداية الثمانين وأواخر السبعين من القرن الماضي هالبرامج كتير من هالجيل ما نساها متل اسم رباب وباسم وميسون ومازن وقصائد سليمان العيسى عن منصور النجار و ........والبقية بتعرفوها وحافظينها غيبا فعلا متل الشاعر الكبير سليمان العيسى من بعده ما خلق حدا قدم أحلى هدية للأطفال
يمكن الواحد بيحمل ذكرياتحلوة و مشتركة مع رفاقه ما بتنسى متل ماحكيت قبل
موضوع: الله يرحم أيام زمان ساسوكي يغار من داسكي :دوق فليد؟؟؟ 
2009-12-15, 00:48
