يوسف رزق:)

كيف بتعرف انو المسلسل يلي عم تشوفه من إخراج يوسف رزق





كيف بتعرف انو المسلسل يلي عم تشوفه من إخراج يوسف رزق مخرج مسلسل حاجز الصمت وأسياد المال وحديثاً الخط الأحمر وغيرهم
1 بكون المسلسل من تأليف هاني السعدي
2 وتكون كلمات الشارة والموسيقا التصويرية لإيهاب مرادي
3 وكمان يكون مغني الشارة جان خليل
4 ويكونو الأغناي يلي بيطلعو خلال الحلقة فيهن تاري وناري
5 تكون الموسيقا التصويرية من مسلسلات سابق
6 يكون في ظعويط صراخ وسلخ كفوف وقواص بالروسيات أثناء الشارة وكلمة خراس وتفو عليك كتير ضرورية
7 استخدام الجيمي جيب (نوع من أنواع الكاميرات شكلها بيشبه الرافعة)في كل لقطة من المسلسل ويفوت المخرج المصور غصبن عنه من برنده ويطالعه من التانية ويدخل من بين رجلين هاد ليطلع من تحت باط هداك
8 تكرار الممثلين في كل المسلسلات يعني ميلاد يوسف وزوجة المخرج إمارات رزق قول هادا الشي عادي بس انو بحاجز الصمت يموت ليث المفتي (بدور رامي)بالإيدز ليرجع يعيش بالجزء التاني (بدور ربيع)وبإيدز مرة تانية هي ما فاتت بعقلي يا أخي الزلمة محكوم يموت بالإيدز بكل الأجزاء ولا عبد الفتاح مزين بكون جاسوس (أبو شفيق)بالجزء الاول وبينحبس وبالجزء التاني بيطلع من الحبس وبيصير كاظم وكمان بموت شتق التاني يعني قلة ممثلين بسوريا غير ليث وعبد
9 وجود النجم الطفل سليمان رزق (ابن المخرج مشان هيك نجم)في كل مسلسل وكمان هاد بإيدز بالخط الأحمر
10 وجود ألقاب للمثلين في الشارة بشكل كبيييييييير مثل الفنان الأنيق سليم كلاس و الفنان المشاكس قاسم ملحو
وأخيرا كل الأبطال بإيدزو وبيموتو حتى الباحثة الاجتماعية ومديرة المصج وما عد يصفى ولا شخصية عايشة بالمسلسل
يرجى المعذرة من الإستاذ يوسف رزق

طول بالك كلشي معقول لأن خيال المخرج هيك على كل حال يسلمو عالفكرة

والله بايدك حق يعني الشي زايد عن حدو
وكلنا صرنا ممكن نخمن شوبدو يصير
من كتر التكرار
شكرا ضياء موضوع حلو

أنا ما بحب مسلسلات هالمخرج وما بحضرها الا اذا ما كان فيه شي تاني يعني عالقطعة هههههههههههههه
يسلمو أبو ساشا

ههههههههههه الله عليك ياضياء

هههههههههههه وفيه شغله مهمه كتير كمان ما زكرته انو بعيدو المسلسل شي ملون مره منشان العالم تكره شي اسمو مسلسل

ههههههههههههههههههههههه