لعبة الصراحة

جبتلكو فكرة جديدة انشالله الكل يشارك فيها

و هالفكرة عبارة عن لعبة الصراحة يعني كل عضو بيجاوب عالسؤال يلي طرحو العضو قبله و بعد ما بيجاوب بيطرح سؤال جديد و عالعضو يلي بعدو لازم يجاوب عليه و.......الخ

راح بلش من عندي

بشو عم تفكر هاللحظة؟

أنا عم فكربموضوع (الحرية )منشان نناقشه بمنتدى
الحوار والنقاش الجدي








سؤالي :
وين رحت اليوم ومع مين أكتر شي تحدثت واستفدت ؟

انا اليوم كنت عند رفيقتي واتحدثت انا وخطيبي ربيع اكتر شي
واستفدت من فلم حضرتو وعجبتني قصتو كتير


وسؤالي هوي
ياحزركون يلي رح يكون بعدك شب او بنت ومين اكتر عضو بالمنتدى بيعجبكون مواضيعون مسموح اختيار 2

انا راي مع احترامي للكل انتي حبيبتي
وسؤالي شو اكتر الواضيع الي بتشدك

بيجوز تستغربوا... أنا بقيّم الاخرين من طريقة الحديث ونوعه يعني من الحكي

والسؤال:مين هو القدوة عندك ؟؟

انا القدوة عندي هو \بابا\انا مو لانو ابي بس بحس انو انسان مقدس بالنسبة لالي لانو مو بس اب وصديق واخ وياريت الله يبعت للكل متل هيك اب وصدقا الاب نور يعني بعتقد معاملتنا مع بعض انا وياه مو علاقة اب مع بنتو لا متل كانو شي صديق معي وانا بعرف من رفقاتي في منون حتى مزح مافي شيلو عن المزح يعني طبعون صعب اخدين معنا اب انو بيصرف عالبيت والو مسؤلياتو المخصصة لإلو وبس وهادغلط





المهم سؤالي
شو الامنية يلي هلا ببالك

الأمنية:هي أنو بتمنى أتخرج وصير أكتب مسرحيات متل مسرحيات شكسبير ويسجل التاريخ أسم كارول



السؤال:صحي نحنا نصف المجتمع ولا هاد الحكي بس شعار من هالشعارات الكذابة يعني مابدنا شعارات بدنا شو رأي الأعضاء بها الحكي؟

طبعاً المرأة نصف المجتمع
اذا لم يكن أكثر
لولا المرأة لا وجود لشيء فهي واهبة الحياة
ان شئنا أم أبينا
طبعاً في ناس تؤمن بهالكلام وبتطبق
وفي ناس بتتجاهل هالموضوع

والسؤال شو مفهومك لحرية التعبير و حدودها؟

انشالله يا كارول بتحققي امنيتك وراح بيوم من الايام نفتخر و نقول انو كارول الكاتبة العظيمة كانت عضو بمنتدى الصومعة :a22:
اما بالنسبة لحرية التعبير فأنا اعتقد انها موجودة و الكل يعبر عن مشاعره اما اذا كانت حرية التعبير بخصوص السياسة فأنا انصح الجميع ان يبتعد عنها لأنها وجع راس

و سؤالي ل يلي بعدي (شو هي اطيب طبخة عندك )؟

أنا أطيب طبخة عندي السمك
مقلي أو بالفرن
سؤالي : اذا كنتو عم تستفيدو من مواضيع المنتدى ؟

انا اكتر شاعر بحبو هو نزار قباني وخاصة القصائد الدمشقية



وسؤالي(لمتابعين الأفلام الاجنبية) من هو بطل فيلم : the kiss of the dragon?


withe love
yara

اذا كنا منحب عن جد منسامح و اذا ما منحب ما راح نسامح و الخائن بيخون نفسو

و سؤالي بتحب تتغرب ؟ و اذا اي ليش؟

باعتبار ياسمين جاوبت و ما طرحت سؤال !!!! راح اطرح انا السؤال

شو رأيك بمنتدى الصومعة و بصراحة!؟

هلق ممكن كون أنا أحسن من غيري يشغلات وممكن يكون أحسن مني بشغلات تانية يعني مافي إنسان كامل ومافي حدا أحسن من حدا لأنو دائما بيجي وبتلاقي يلي احسن منك بس الشطارة تتعلم منو شغلات نحنالا ما منملكها
وسؤالي:
بتآمنوا بالعلاقات يلي بتصير على النت بين الشب والبنت ؟ وإذا اي ليش؟

الهدف من اسمو يمكن يصيب و يمن يخيب
و اذا ما كان مخطط له جيد مو بس بيضر صاحبو
كمان بيضر اللي كانو معلقين أملن على هالهدف

أناهدفي اني اتخرج من الجامعة ( بالدورة الأساسية)
و سافر للخارج

أنا عندي سؤالين
1- جريمة تتمنى ارتكابها....؟ و لماذا ؟
2- قطعة فحم سوداء و جدار نظيف ماذا تكتب ؟

---------------------------------------------------

يا لائمي في هوى النساء الام الملام
فالعين تعشق رشاقة الأجسام
لولا الطرب و الغنج و الوجوه الحسان
ما شرب الخلق كأس المدام

ان شا الله بتتخرج وبتسافر بتمنالك التوفيق والخير

وما عندي جواب لسؤالك الاول

التاني بكتب عليه ايمتا بدنا نصير بشر
سؤالي: هل تؤمنون انه الطريق الوحيد للتطور والعيش بحرية هو ابعاد الدين لا اقصد الغائه ولكن ان لا يتحكم بنا كم هو الحال؟

هلق اذا بدنا نعيش بحرية و سعادة فالدين و الاسلام اكيد راح يوفرلنا هالعناصر
بس للأسف صار الوقت متأخر و متأخر جدا و الدين سوف لن يحقق لنا هذا!!!و سوف لن نقدر بالعودة الى الوراء لتصحيح الامور!!
يجب ابعاد الدين
الدين لله و الوطن للجميع
يا ريت يا خيي علي تفتح هالموضوع بقسم منتدى الحوار و النقاش الجدي
لأنو موضوع حساس و مهم
سؤالي:
جريمة تتمنى ارتكابها!!!و لماذا؟
طبعا السؤال مكرر و مقتبس من مشاركة العضو بارادوس

جريمة ابيد كل قلوب بعض البشر التي سكنت فيها مبدأ المصالح والانانيه الفرديه ونسيان معنى الانسانيه

متى اخر مره بكيت؟؟

أنا استغربت ليش وقفتو المسابقة وماعاد حدا رد الموضوع بجنن

أنا آخر مرة بكيت لما توفى والدي بي(1-4-2004) الله يرحمو
وسؤالي: خاص لصبايا المنتدى كام مرة فيكي تحبي حب صادق ومن قلبك .بعد الفشل بالحب الأول :....... :abc20: .... سؤال يمكن محرج بس لأجوبة رح تساعدني كتير ويمكن مو لحالي
وياريت يكون في أكتر من جواب مع الجواب التاني
مشكورييييييييييييييييييييييييييييييييييييين

الله يرحمه انشاء الله

اذا كان الحب من طرفي صادق ومن قلبي وكان الفشل من الطرف الثاني مااعتقد اني راح اقدر احب نفس هالحب مره ثانيه


ماذا تعني لك الخيانه؟

جريمة بكل معناها الحقيقي بحق عاطفتي وقلبي ((لأني بآمن بالحب وبكره الخيانة))

كم مرة أحببت أو أحببتي بصدق

والله ما في شي بهالدني بيستاهل الندم
بس الواحد لا بد أنو يتأثر ولو بأبسط الأمور وبقول ياريت لو صار أو ياريت لو ماصار
وهيك بعيش حياتو كلا ندم بندم
أنا ماندمت الحمدالله لأني بحسبا صح بس أكيد تأسفت عشغلات وعلاقات وأصحاب كتااااااااار

السؤال : متى تكون عصبي و هل يستطيع أحد أستفزازك

أي جربت الحب وكان أجمل تجربة بحياتي وماحدا بيعرف قيمة الحب وجمالو إلا بعد فقدانو وأنا ((من الذين فقدو حبهم بسبب غباء الطرف الآخر))

هل الجرئة لها حدود
وما هو الحد لجرئتك

طبعل هناك للجرئة حدود

واي شئ في هذه الدنيا يجب أن يكون له حدود

فليس هناك جرئة في المطلق و يجب الا يكون هناك كبت بالمطلق

اما حدود جرأتي فهي الحد الذي لا يتعارض مع قناعاتي



وسؤالي هو


هل تعتقد ان الاصدقاء الذين نتعارف عليهم من الانترنت يمكن تصنيفهم في خانة الاصدقاء الحقيقيين؟

بعضهم

ماذا تعلمت من الحياه؟

(الإيمان - ومحبت الناس - وإرضاء الضمير )هذا ما نريد أن تعلمنا الحياة
ولكن للأسف أصبح الإيمان ومحبة الناس والضمير عبارة عن سلعة متداولة بين الناس بهدف المال وهي الأهم في عصرنا هذا .((أنا تعلمت الصبر بكل المواقف والحمد لله))

هل كل ما يحدث في حياتك قضاء وقدر ((مع أعطاء مثال))

اي كل شي بهالدنيا بيصر معنا قضاء وقدر

مثل وفاة عمي وكان هذا يومه


هل مات الحب في زمننا

اي بس مو عند كل الناس وبالنسبة الي لسى مو جود لحد الآن وانشالله يبقى
وسوالي هوي
بتقبل/ي/ انو تحضر/ي/ عرس اللي كنت تحبها اوتحبيه بصراااااحة

بصراحه لا

متى اخر مره ندمت على شي

اخر مرة ندمت فيها على شئ كان بتاريخ

10\11\2008

و طلعت بنتيجة انو اتقي شر من احسنت اليه


والسؤال موجه للشباب و البنات

هل يمكن ان تخسر صديقا او تخسرين صديقة بسبب شب او فتاة

اكيد اذا كان في حب بالموضوع رح نخسر بعض
بس الي بخسرها من شان شب هاي مو صديقة هاي مصلحجية

سؤالي هو هل الحب بمجتمعنا عيب وليش؟؟؟؟؟؟؟؟؟؟؟؟؟

سؤالك كتير حلو

وأكيد ابدا مو عيب لا عنا ولا عند غيرنا لأنو الحب هوي اعظم شي خلقو الله بالحياة وهوي الشي الوحيد البيكون صادق ومن القلب وشو بدنا يا عمي والله مافي احلى من الحب وعذاب الحب
بس كمان ما بدنا ننسى انو في شوية نشاز ومفهوم غلط للحب لبعض العقليات عنا بس هالشي ما بيدل انو ممنوع وشكرا للسؤال يا رهف
وسؤالي انو شو عشان فشل اغلب علا قات الحب عنا ولوووووو والله شغلة بدها تجنني ومع العلم انو بعد فشل العلا قة بتسأل البنت لساكي بتحبيه بتقلك اي والله واسأل الشب ليش تركتا ولاه بربك ما بتحبا وبقلك اي والله بحبا اي والله شي بيفوت بالحيط :aaa: ويا ريت يكون الجواب بيضمن شو سر هالقصة هي