سلام يا شباب وشابات الصومعة:
هيدي أول مرة بشارك فيها ويمكن شوي مستغربة من حالي إني اطرح هيك موضوع بس عندي فضول إني اعرف أهل ضيعتي شو بيهمن يتابعوا, إذا بدكن نصيحتي مسلسل( ليس سرابا) هوي الوحيد اللي بالفعل ليس سرابا كباقي المسلسلات
وما راح احكي عنه لأن هوي عرف كيف يطرح نفسه بقوة من خلال ملامسته لكتير مواضيع مهمة بحياتنا.
أما عن مسلسل باب الحارة فاسمحولي قول إنوا الأفضل الواحد يضيع وقته بشي مسلسل مكسيكي أو أي شي تافه
مع اني تابعت منه أول حلقتين بس لشوف لوين آخرة ها المسلسلات.
أما عن بقعة ضوء فما ضل عندن أفكار كلها استهلكوها وما عندن شي جديد لهيك عم يحاولوا يطولوا بالمشهد لدرجة
بتتملل وبتفقد الفكرة قيمتها مهما كانت قيمة , مع انه كان الأفضل بين المسلسلات.
عن جد حابة اعرف رأيكن .
( ع فكرة أنا عدوي التلفزيون بالرغم من انه وسيلة تسلية فأنا بعتبره وسيلة للملل مع زيادة عدد المحطات يعني يا محلاأيام قناة سورية الأرضية).
موضوع: مسلسلات رمضان 
2008-09-11, 20:33
