C.V معلم فلافل

معلم فلافل على كيف كيفك


الاسم : نافع سعيد الشطة (ابو الخل)
التخصص : معلم فلافل درجة اولى

الخبرات العملية :

سنة خبرة كش ذبان ومسح طاولات , سنتين خبرة جلي صحون , سنة خبرة تجهيز طاولات وتقديم طعام , خبرة لف ساندويشات فلافل , ثلاث سنوات معلم فلافل وما زلت بلف لليوم

الدورات المتخصصة :

خبرة اراجيل لمدة ثلاث ايام معرفة تامة بجميع انواع المعسل

دورة قلي كل انواع المقالي وسلق كل انواع الحبوب

دورة لف سندويشات عادية او سوبر- عشر سندويشات بالدقيقة

دورة عمل حمص وفول بصحون 35 ، 50 ، 70 ليرة , وصحون من الدار

دورات متعددة متبل ، مسبحة ، شكشوكة

دورة تجهيز خلطة الفلافل والرمي على الصاج خمسين حبة او اكثر بالدقيقة

دورة قلي فلافل بزيت جديد او عتيق

دورة لقط الفلافل بالشوكة وفغصها بالسندويش

دورة تعامل مع زباين موعاجبهم الاكل بدون صياح ومد ايدين

دورة عن تأثير عرق معلم الفلافل على الزيت

دورة كيف ترفع تيابك وانت عرقان وقاعد بتقلي

دورة كيف تقح وانت بتقلي ولا تشعر الزبون الملطوع قدامك

دورة عن كيفية التعامل مع زبون متسمم من المحل


التعليم :

راسب في الابتدائية , الاعدادية والثانوية

معلومات شخصية :

متزوج ، عدد الاولاد : سبعة ، الطول 165 الوزن 110 كيلو

الهوايات :

تكنيس المحل , مشاهدة التلفزيون في المحل والصراخ عندك واحد سندويشة فلافل لهوووووووووووون

ههههههههههههههههههههههههههههههههههههههههههههههههههههههههه

ما في أطيب من فلافل وسام باشا ورافع ماجد
مرحبا بارادوس
رجعنا من الضيعة وما اتعرفنا عليك يا عيب الشوم
:a22: :a22:

اي والله انا شبعت فلافل

عوضت عن تلات سنين

هيدي الحركة يا أنسام مقصودة

فيه مثل عربي بيقول تسمع بالمعيدي خير من ان تراه

و خلي التعارف يصير عالصدف لانو اجمل شي بالحياة هيي الصدفة

بالفعل بعد بعد سندويشات خيي وسام معروف ما في واذا مانك مصدق معزوم على حسابي خيو وعمرو ماحدا يرث

شو يا دربو منعتبر انو هيدي عزيمة

ولا تنسى انو وسام قرايبي يعني بيدعمنا بكم قرص زيادة

و بيكتر المخللات شوية

و خلوه يكتر اللبن