كبرتي عا فجأة و هالعطر منك عبق فاح
وهالربيع قدم الك فستان الزهر من تيابو
وخدودك توردت بالخجل متل هالتفاح
و كروم العنب سكرو و من هالحلا دابو
شهد العسل من بين الشفايف حلو ساح
يسأل هالنحل زهورو عالشفة شو جابوا
الفراش ترك حقلوا وعصدرك اجا يرتاح
فوق المروج الخضرا تا ينتهل من عنابو
يهل الصبح يلفلف هالخصر متل وشاح
يقدملو هالليل نجماتو ويسجلن عحسابو
وهالغفا يتملل من مفارقة هالجفن ينزاح
والقمر ينسى يروح غرقان بعيون احبابو
و ايدك يضمها سوارها يشمشم عبق تفاح
وعلى الرقبة مرنح عقد جهلان سكر صابو
برمش هالعين داري لحوا تا بعمرها ترتاح
تاما يصيبك اذى هالشجر دقدق على خشابو
بعد هالعطف طمعت حوا وباتت بنكد ونواح
تنغص عا آدم عيشتو و سود هالشعر منو شابو
بنق و لعي لسانا ما توقفو يومي بمسا و صباح
وقصداً بدها ما تعمل أكل وما تغسل لآدم تيابو
قلبو لآدم انتلا من كتر القهورة بأسى و جراح
وطهر البراءة اختفى من عينو و غضبت ديابو
تركها لحوا من بعد ما فقد هالامل و بدو يرتاح
يدور عاغيرها يقضي عمر بوفا والطهر جلبابو
صارت حوا من بعدها عايشة لحالا مع الاشباح
مجنونة معترة تمتم بالشوبرا هالبشر منها يرتابو
متل ريشة دايخة بهالشوارع تعصف فيها رياح
تلطم عا وشها بالندم تبكي دمها بقهرعلى غيابو
تزرف هالدمع من بعد عمايلها أسى متل تمساح
يبكي على ضحيتو قهورة و لحمها معلق بنيابو
تسوح بحارات الحزن تناجي ربها بمغفرا وسماح
تعفر حالها بطين الشتي و تاكل من القهر بترابو
هيدي آخرتك يا حوا لو سقتي فيها عند و صياح
أحلام عمرك بالسعادة من بين أصابعك ينسابو
لي بيزرع أسى ونكد يا حوا بيحصد ندم دباح
عطول الظالم بيخسر هالمعركة وبتتكسر حرابو
لك تعي يا حوا عمر منا بمعاتبة مضي و راح
نشرب سوا كاس الله حللو ونرقص هنا بشرابو
بلكي بتكمل معنا و منلاقي لهالسعادي مفتاح
والله بفضلو بيرزقنا شي ولد تملا هالدني ألعابو
موضوع: تحية لحواء 
2008-08-15, 19:52
