لوعهولا كل اللوعات

يد الغدر الوهابية الصهيونية غيبت اليوم غضا من غضاضات عائلتي ابن ابن أختي الكبيرة زاهي ابراهيم سعد أرثيه بهذه الكلمات لكي يكون دمه على الغادرين إلى يوم الدين
لوعه ولا كل اللوعات
مابتشفع فيها الآهات
ولا لو الدمع ملي للبحر
ممكن ننسى هيكي ممات
***
خنجر طعن بقلوبنا
غاب اليوم محبوبنا
كيف العمل آه يابشر
تغيب زاهي عن وجودنا
***
محلى طوله لو كان لاح
وطبعه هـ الحلو كله سماح
ليش ترك فينا مر الأسى
ياعالم زاهي تركنا وراح
***
كنا كل من فينا يعده
ليحيي اسم وذكر جده
مالحق وفي عمر الغضا
سبقنا الموت ع حده
***
ويلاه رحل زاهي وترك فينا
ترك فينا مرار كينا
كل مابدنا ونتذكره
باللوعات يارب عافينا
***
زاهي كان زها بطول القطا
حب ومحبه دوم عطا
ومن قبل مايجني مناه
الموت وقف له وكان لطى
***
حسره على غض الشباب
في عمره أبد ماكان عاب
كان يوعد رفع راس الأهل
فجأه انخطف وبصعقه غاب
***
كنت لما شوفو ابتسم
ع وجهه براءه بترتسم
بكل حيويه وكل أمل
حياة عز عوجهو بتنرسم
***
وربك يازاهي ياجدو حرام
تترك لأمك هيك آلام
وتشرب أخوك وأبوك كاس مر
وتفقد ستك فيك الوئام
***
بحسرة دم أخوك صار الوحيد
كفتا ياخيي ياخيي رح بيعيد
ع شفايفه يناجي باسمك
وين رحت ياخيي العميد
***
عامود آل سعد الكبير
ع الكل شو كنت وتغير
ماعرفنا الرب ناطرك
للكل ع موتك يستجير
***
ياجدو والله كان بكير
تهرب منا فجأه تطير
م نمجد يارب قدرتك
كان خلينا نفرح بهـ الأمير
***
كان حلمنا تكون فينا عريس
ولأهلك تكون أحلى وريث
ماكان الأمل تلفك في كفن
ونصرخ لألله ونستغيث
***
زاهي حرق موتك حرقنا
ولوه م القهر دبنا ودبنا
يارب استقبل هـ العريس
لبين ملايكتك ربنا
***
أبو زاهي مر هـ الكاس
يجي خطف متل النسناس
بكير كان ع هـ القهره
بكير الموت فينا يحتاس
***
يارب صبر مين وراه ترك
وراه هـ الغالي ودغري فرك
للعين عليه تهل الدمع
والبشر حوالينا بمعترك
***
أه هـ اللوعه ولا كل اللوعات
موعدك علينا بكر وفات
الله الرحيم بيرحمك
ماقادر صدق أبا زاهي مات