الزلاغيط الدمشقيه------------------
للأفراح عند النسوة الدمشقيات زغاريدها، وللزغاريد اسم في اللهجة الشامية هو "الزلاغيط"، ومفردها "زلغوطة". والزلغوطة
ترديد جماعي بأصوات نسائية مسبوقة بعبارة "أوها" وملحوقة بـ "لي لي لي لي ليش"، وهي تقال بأصوات عالية وبنغمة
واحدة لا تتغير. ومن الزلاغيط المعروفة في دمشق:
أوْها بِـبيـتنا رمّـانـة................ أوها حـامضـة و لفّـانـة
أوها حَـلَفْنا ما نقطعـها.........أوها ليدخل عريسنا بالسلامة
لي لي لي لي ليش
أوها ديـارنا كـبـيـرة .............أوها ودَرَج الحـمام فيـها
أوها وأم العريس فرحانة ............أوها إن شاء الله ربي يهنّيها
لي لي لي لي ليش
أوها "فلان" يـا واحـد............ أوها "وفلانة" يـا اتنيـن
أوها اللي ما يصلّي عالنبي....... أوها لـيعـدم العـينتيـن
لي لي لي لي ليش
أوها عاللّعْلَعي اللّعْلَعـي ..........أوها يا صـبايا تجمّـعي
أوها يا ليل طول طـول........... أوها ويا شمس لا تطلعي
لي لي لي لي ليش
أوها حَصَّنتك بياسـيـن....... أوها ويا زهـر البسـاتين
أوها يا مصحف صـغير .........أوها على روس السلاطين
لي لي لي لي ليش
أوها شـو هالنهار اللايـق....... أوها وفرحتلنا الخـلايق
أوها وطقت قلوب الأعادي .........أوها ولَمّن حقت الحقايق
لي لي لي لي ليش
أوها ويا جماعـة كلكُـن .......أوها وما نسـينا فضلكُـن
أوها والـيــوم عـنّـا .......زأوها إنشاء الله بُكرة عندكُن
لي لي لي لي ليش
أوها يا ما قعـدوا جنبـي أ.......وها ويا ما حرقـوا قلبي
أوها وقالوا فلان ما بيتجوز ..........أوها تجوّز وربي نصرني
لي لي لي لي ليش
أوها يا صحـن حليـب........... أوها وكل ما برد بيطيب
أوها نحـنـا أهـليـة.......... أوها وما في حدا غريب
لي لي لي لي ليش
أوها العريـس يا واحد........ أوها وعروسته يا اتنيـن
أوها يـا خـرزة زرقا......... أوها تـردّ عنهن العيـن
لي لي لي لي ليش
أوها يا عـريـس لا تعبـس........ أوها افريد هالبقجـة والبـس
أوها شواربك عروق الريحان........... أوها وسوالفها عروق النرجس
لي لي لي لي ليش
تستمر النسوة في إحياء فرحتهن، فيغنّين ويطربن ويرقصن. ولعل من أكثر الأغاني الشعبية شيوعاً في مثل هذه المناسبة أغنية "اسم الله.. اسم الله يا زينة"، وفيها تغني معظم الحاضرات بأداء اللازمة:
اسم الله.. اسم الله يا زينة يا وردة جـوّا الجنينة
زهر القرنفل يا عروسة يا ورد خـيّـم عـلينا
وتنفرد إحداهن بأداء مقاطع الأغنية. وكلما أدت مقطعاً، كررت الأخريات اللازمة السابقة:
قـومي العبي بحبل اللولو وافردي شعرك على طولو
خليهـن يحكـوا ويقولوا آه يا حـلاوة يا شـامية
قومي العبي بعرق المضعف وأنا لأجـلك رح بضعف
ولو حـلفـوني عالمصحف ما بفوّت هواكِ يا زينـة
قـومي العبـي بحلقاتـك رايـات البيـض راياتك
الله يخلـي لـك حماتـك آه يا حلاوة يا عسـلية
(ياديمة)قـومي العـبي بقميصـك كل العرسان على كيسك
الله يخلـي لـك عريسـك آه يا حلاوة يا عسـلية
(ياديمة) الزلاغيط الحمصية---------------
تشبه الزلاغيط الدمشقية مع فرق جوهري .. إذ تُستخدم كلمة "هاها" بدل "أوها"
هاها يا عرق ألماس........ هاها مشكول بالراس
هاها وهاد فلان ............هاها صلوا ع النبي يا ناس
لي لي لي ليش
هاها قامت فلانة على حيلها ......زهاها هرّ الياسمين من ذيلها
هاها لا تلومونا ياناس............ هاها فلانة ما عنا غيرها
لي لي لي ليش
هاها يا صحن حليب..........هاها وكل ما برد بيطيب
هاها كلنا أهلية......... هاها ومافي حدا غريب
لي لي لي ليش
هاها طبخنا بامية .................................هاها وكثرنا الأدامة
هاها الـ بيحبنا أهلا وسهلا................ هاها واللي ما بدو مع السلامة
لي لي لي ليش
هاها طبخنا محشي.......... هاها والرز بقلبو بيمشي
هاها ونحن بيت فلان........... هاها بيلبقلنا كل شي
لي لي لي ليش
هاها طبخنا ملوخية ..........هاها وصبيناها بالصينية
هاها شبابنا يا الأمراء.......... هاها وبناتنا يا الملوكية
لي لي لي ليش
هاها شو هالنهار الرايق............ هاها فرحت معنا الخلايق
هاها طقت قلوب الأعاد............ي هاها لمّن حقت الحقايق
لي لي لي ليش
++++++++++++============
بتعرف الحماصنة شو بيقلّولا للعروس إذا ما كانت حلوة ...
هاها ... يا ديّــاتِك مـــن كـوســـا
هاها ... يا جــريّاتك مــن يقطـين
هاها ... كـلّ النـاس خلْقـــة ربّــا
هاها ... إلاّ إنتي خلْقة الشياطين
لي لي لي ليش
+++++===============
اهداء الى ديمة ومحمد
والله يتمم عرسكم ع خير يارب+++++================
موضوع: الزلاغيط الدمشقية 
2009-06-08, 20:19
