المنسف الأردني

المنسف الأردني
طبعا المنسف الأردني غني عن التعريف ، فهو الأكلة الشعبية المشهورة في الأردن وهو طعام الأعراس والمناسبات الكبرى ، وإذا أردنا إكرام الضيف نقدم له المنسف .

ما بدي أطول عليكوا ورح أشرحلكوا طريقة عمل المنسف




المقادير
2كياو لحمة بلدي طبعا
لبن جميد حسب مقدار اللحمة
ملح
1كيلو رز صنوايت
2ملعقتين سمن بلدي
خبز شراك
لوز -صنوبر- بقدونس(للزينة)
ولاتنسو البهارات(الهيل)

اليكم الطريقة
ضع اللحمة في وعاء الطبخ
ضع عليها الماء ودعها تغلي
عند الغليان ازل رغوة اللحمة
ثم ضع ملعقة ملح وبهارات الهيل
ودعها تغلي على مهل
تكون انت بنفس الوقت نقعت الرز
وتكون قد خلطت الجميد بالمولينكس مع اضافة الماء
حتى لايكون ثقيل
طريقة عمل الرز
صفي الرز عن الماء
وضع السمن البلدي في اناء اخر لطبخ الرز
دع السمن يحمى ثم ضع الرز و اضف عليه الماء ثم ضع عليه الكركم
لاعطاء لون الرز الاصفر
نعود الى اللحمة
اذا نضجت نضع عليها لبن الجميد ونحركها ب أستمرار حتى يغلي اللبن ونضيف نصف ملعقة كركم
لاتطل عليه حتى لا يصبح مر
نحضر صحن كبيير (او سدر) ثم نفرد خبز الشراك ونصب عليه اللبن ثم نضع الرز
ونصب مرة اخرى اللبن
رتب اللحمة
على السدر
وضع اللوز والصنوبر والبقدونس وغطيهم بخبز شراك

وصحتين وعافية وانشاالله يعجبكم
جربوها واحكولي كيف طلعت معكم

وإذا أردنا إكرام الضيف نقدم له المنسف .

صح كلامج لان وحده من صديقاتي اردنيه عزمتني برمضان على هالاكله

يسلمووو على هالوصفه الطيبه

شكرا ع المرور ياالناعمة

وفيه معلومة نسيتها

وهي انو المنسف يؤكل باليد !!!!!!!وليس بالملعقة :a22:

المنسف اكلة معتبرة

بس يا ريت تشرحيلنا شو معنى لبن جميد و خبز شراك

و شكرا على هالطبخة

اسمحو لي بالمداخله لبن جميد هو لبن الربيع (مثل العيران) ولان البدو يحصلون على اللبن في مواسم فهم يقومون بتجميده على شكل كرات وتضاف اليه اانواع من الاعشاب وعلى رأي سونيا مثل القريش ولكن يكون اجمد مثل الحجاره وخبز الشراك اللذي يخبز على الصاج ويكون رقيق جدا ويشتهر به طوائف الدروز بالاردن والصاج قطعة حديد تشبه الصحن اللقاط بالضبط.

على كل حال الحكي مش زي الشوف اهلا وسهلا بضيا ء وكل الاخوه والاخوات على احلى منسف

منفهم منك يا ابو زيد انو طبخ ام زيد بيعجبك (بس نحن ما بدنا نحكي و لا بدنا نشوف!!!!) بدنا نجرب المنسف الاردني :127: والا راح نعتبرك صومعجي (خلي ام زيد تحكيلك عن الصومعجية )

كنت عم امزح

على فكرة انا اكلت المنسف الاردني على اصولو بعمان و بأربد و عندي هون في اوكرانيا اكلتو مرة و حضروه اصدقائي من الاردن (الله يذكرهم بالخير)


لبن الجميد منفهم انو متل الشنكليش السوري!! و خبز شراك متل خبز التنور !!؟

مشكور يا ابو زيد على هالمعلومات و ما تنحرم من اكلات ام زيد

تزوجت يا ضياء وكان وزني 82 كيلو الان الله وكيلك توزنت اليوم 115 كلو من ضرب المناسف ولاء لسه في منسف الفريكة هيك حلت عزومتك عزومت سلطيه (البلد الاصلي ) يعني تمزيع ثياب